BIRLESKEN BUIRYQ №51, №313

  Qazaqstan Respýblıkasy Qazaqstan Respýblıkasy Investısııalar jáne damý mınıstrligi Qorǵanys mınıstrligi Astana qalasy 2016 jylǵy 20 maýsym №511 Astana qalasy 2016 jylǵy 27 maýsym №313 Jerdi qashyqtyqtan zondtaý ǵarysh júıesi ulttyq operatorynyń ǵarysh túsirilimderin josparlaý, Jerdi ǵaryshtan qashyqtyqtan zondtaý derekterin alý, óńdeý jáne taratý qaǵıdalaryn bekitý týraly «Ǵarysh qyzmeti týraly» 2012 jylǵy 6 qańtardaǵy Qazaqstan Respýblıkasy Zańynyń 9-baby 1-tarmaǵynyń 20) tarmaqshasyna sáıkes buıyramyz: 1. Jerdi qashyqtyqtan zondtaý ǵarysh júıesi ulttyq operatorynyń ǵarysh túsirilimderin josparlaý, Jerdi ǵaryshtan qashyqtyqtan zondtaý derekterin alý, óńdeý jáne taratý qaǵıdalary (budan ári − Qaǵıdalar) bekitilsin. 2. Qazaqstan Respýblıkasy Investısııalar jáne damý mınıstrliginiń Aeroǵarysh komıteti (E.M. Shaımaǵambetov): 1) osy birlesken buıryqty Qazaqstan Respýblıkasy Ádilet mınıstrliginde memlekettik tirkelýdi; 2) osy birlesken buıryq Qazaqstan Respýblıkasy Ádilet mınıstrliginde memlekettik tirkelgennen keıin onyń kóshirmelerin Qaǵıdalarǵa 2-qosymshasyz baspa jáne elektrondyq túrde kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq tirkelgen birlesken buıryqty alǵan kúnnen bastap bes jumys kúni ishinde Qazaqstan Respýblıkasynyń normatıvtik quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna jiberýdi; 3) osy birlesken buıryqty Qaǵıdalarǵa 2-qosymshasyz Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy; 4) osy birlesken buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin. 4. Osy birlesken buıryq Qaǵıdalarǵa 2-qosymshany qospaǵanda, alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Qazaqstan Respýblıkasynyń Investısııalar jáne damý mınıstri Qorǵanys mınıstri ___________ Á. ISEKEShEV ___________ I. TASMAǴAMBETOV «KELISILGEN» «KELISILGEN» Qazaqstan Respýblıkasynyń Qazaqstan Respýblıkasy «Syrbar» Memlekettik kúzet qyzmetiniń Syrtqy barlaý qyzmetiniń bastyǵy ___________ A. Kúreńbekov dırektory ____________ Ǵ. Baıjanov 2016 jylǵy 13 shilde 2016 jylǵy 9 shilde «KELISILGEN» «KELISILGEN» Qazaqstan Respýblıkasynyń Qazaqstan Respýblıkasynyń Ulttyq qaýipsizdik komıtetiniń Ishki ister mınıstri tóraǵasy ___________ V. Jumaqanov ____________ Q. Qasymov 2016 jylǵy 6 shilde 2016 jylǵy 15 shilde Qazaqstan Respýblıkasy Investısııalar jáne damý mınıstriniń 2016 jylǵy 20 maýsymdaǵy №511 jáne Qazaqstan Respýblıkasy Qorǵanys mınıstriniń 2016 jylǵy 27 maýsymdaǵy №313 birlesken buıryǵymen bekitilgen Jerdi qashyqtyqtan zondtaý ǵarysh júıesi ulttyq operatorynyń ǵarysh túsirilimderin josparlaý, Jerdi ǵaryshtan qashyqtyqtan zondtaý derekterin alý, óńdeý jáne taratý qaǵıdalary 1-taraý. Jalpy erejeler 1. Osy Jerdi qashyqtyqtan zondtaý ǵarysh júıesi ulttyq operatorynyń ǵarysh túsirilimderin josparlaý, Jerdi ǵaryshtan qashyqtyqtan zondtaý derekterin alý, óńdeý jáne taratý qaǵıdalary (budan ári – Qaǵıdalar) «Ǵarysh qyzmeti týraly» 2012 jylǵy 6 qańtardaǵy Qazaqstan Respýblıkasy Zańynyń 9-baby 1-tarmaǵynyń 20) tarmaqshasyna sáıkes ázirlendi jáne Jerdi qashyqtyqtan zondtaý ǵarysh júıesi ulttyq operatorynyń ǵarysh túsirilimderin josparlaý, Jerdi ǵaryshtan qashyqtyqtan zondtaý derekterin alý, óńdeý jáne taratý tártibin aıqyndaıdy. 2. Osy Qaǵıdalarda mynadaı uǵymdar paıdalanylady: 1) baqylap qaraý – olar týraly málimetter «Memlekettik qupııalar týraly» 1999 jylǵy 15 naýryzdaǵy Qazaqstan Respýblıkasynyń Zańymen (budan ári − Zań) jáne halyqaralyq sharttarmen shektelgen Jerdi ǵaryshtan qashyqtyqtan zondtaý derekterinde beınelengen obektiler men qyzmetti taný (saraptaý) rásimi; 2) ǵarysh túsirilimderi – Jerdi qashyqtyqtan zondtaýdyń ǵarysh apparattary júzege asyratyn túsirilimder; 3) Jerdi ǵaryshtan qashyqtyqtan zondtaý derekteri (budan ári – JQZ derekteri) - Jerdi qashyqtyqtan zondtaýdyń ǵarysh apparatynan tikeleı alynǵan alǵashqy derekter, sondaı-aq olardy aldyn ala óńdeý (radıometrlik jáne geometrııalyq túzetý) nátıjesinde alynǵan materıaldar; 4) Jerdi qashyqtyqtan zondtaýdyń ǵarysh júıesiniń ulttyq operatory (budan ári – JQZ ǴJ operatory) – Qazaqstan Respýblıkasynyń Úkimeti aıqyndaıtyn, Jerdi qashyqtyqtan zondtaýdyń ǵarysh júıesin qurý, paıdalaný jáne damytý mindetteri júktelgen, jarǵylyq kapıtalyna memleket júz paıyz qatysatyn aksıonerlik qoǵam; 5) qazaqstandyq paıdalanýshylar – JQZ derekterin óz múddesinde paıdalanatyn Qazaqstan Respýblıkasynyń memlekettik organdary, Qazaqstan Respýblıkasynyń zańdy jáne jeke tulǵalary; 6) sheteldik paıdalanýshylar – JQZ derekterin paıdalanatyn sheteldik jeke jáne zańdy tulǵalar. 3. JQZ ǴJ operatory jylyna keminde bir ret ǵarysh qyzmeti salasyndaǵy ýákiletti organǵa JQZ derekterin usyný qyzmetterin kórsetý jónindegi aqparatty usynady. 2-taraý. Jerdi qashyqtyqtan zondtaý ǵarysh júıesi ulttyq operatorynyń ǵarysh túsirilimderin josparlaý, Jerdi ǵaryshtan qashyqtyqtan zondtaý derekterin alý, óńdeý jáne taratý tártibi 1-paragraf. Ǵarysh túsirilimderin josparlaý 4. JQZ derekterin alýdy josparlaý maqsatynda jyl saıyn, josparlanǵan jyldyń aldyndaǵy otyzynshy jeltoqsanǵa deıin paıdalanýshylardyń JQZ derekterin alýǵa ótinimderiniń negizinde qalyptastyrylǵan ǵaryshtyq túsirilimder josparynyń jobasy qurylady. Osy tarmaqta kórsetilgen JQZ derekterin alýǵa ótinim osy Qaǵıdalarǵa 1-qosymshaǵa sáıkes nysan boıynsha resimdeledi jáne JQZ ǴJ operatorynyń geoportaly arqyly qabyldanady. 5. Ǵarysh túsirilimderi josparyn bir jylǵa josparlanǵan jyldyń aldyndaǵy jyldyń otyzynshy jeltoqsanynan keshiktirmeı JQZ ǴJ operatory bekitedi. 6. Ǵarysh túsirilimderi jospary aı saıyn, al memlekettik organdar úshin jedel túsirilimder júrgizý qajet bolǵan kezde, túsirilimderdiń kórsetilgen merzimine deıin bir aptadan keshiktirmeı naqtylanady. 2-paragraf. Jerdi ǵaryshtan qashyqtyqtan zondtaý derekterin alý, óńdeý jáne taratý 7. JQZ derekterin alýmen, óńdeýmen jáne taratýmen baılanysty qyzmet ǵarysh túsirilimderi josparyna sáıkes júzege asyrylady. 8. Memlekettik organdardyń Qazaqstan Respýblıkasynyń ulttyq qaýipsizdigin jáne qorǵanysyn qamtamasyz etý múddesinde jedel túsirilimderdi júrgizýge qatysty JQZ derekterin alýǵa ótinimderi basym tártipte oryndalady. 9. JQZ derekterin alýǵa ótinimderdi oryndaý, eger olar ótinimderde kórsetilgen sıpattamalarǵa sáıkes kelse, JQZ muraǵattyq derekterin paıdalana otyryp júzege asyrylýy múmkin. 10. Jerdi qashyqtyqtan zondtaý ǵarysh apparatynan tikeleı alynǵan bastapqy derekter avtomatty rejımde aldyn ala óńdeýden ótedi, ol bastapqy derekterdi radıometrııalyq jáne geometrııalyq túzetý bolyp tabylady. 11. JQZ ǴJ operatory alynǵan JQZ derekteriniń ǵarysh túsirilimderi josparyna sáıkestigine aldyn ala baǵalaý júrgizgennen jáne baqylap qaraý júrgizgennen keıin oń qorytyndy alǵannan keıin qazaqstandyq jáne sheteldik paıdalanýshylarǵa JQZ derekterin jetkizýge arnalǵan sharttardy iske asyrady. 12. JQZ ǴJ operatory ǵarysh túsirilimderi josparynyń oryndalýynyń esebin júrgizedi, JQZ derekteriniń, olardyń saraptama nátıjeleriniń, qazaqstandyq jáne sheteldik paıdalanýshylardyń JQZ derekterimen aınalym prosesi monıtorınginiń nátıjeleri bar materıaldardyń muraǵattaryn (qorlaryn) qalyptastyrady. 13. JQZ derekterin tematıkalyq óńdeý nátıjeleriniń qupııalylyq dárejesi Zańnyń 18-babyna sáıkes aıqyndalady. 14. Qazaqstan Respýblıkasynyń qorǵanysyn jáne qaýipsizdigin qamtamasyz etý múddesinde ǵarysh túsirilimderin josparlaý, JQZ derekterin alý, óńdeý jáne taratý erekshelikteri osy Qaǵıdalarǵa 2-qosymshaǵa sáıkes (qyzmet babynda paıdalaný úshin) reglamentteledi. Jerdi qashyqtyqtan zondtaý ǵarysh júıesiniń ulttyq operatory Jerdi ǵaryshtan qashyqtyqtan zondtaý derekterin alý, óńdeý jáne taratý, ǵarysh túsirilimderin josparlaý qaǵıdalaryna 1-qosymsha Nysan Jerdi ǵaryshtan qashyqtyqtan zondtaý derekterin alýǵa arnalǵan ótinim JQZ derekterine Tapsyrys berýshi uıymnyń ataýy _______________________________ Jerdi qashyqtyqtan zondtaý túpkilikti tutynýshysy ____________________ JQZ derekterin paıdalaný maqsaty ___________________________________ № Ataýy Derekter Belgi 1. Túsirilim orny (el, oblys, qala, aýdan) 2. Ǵarysh túsirilimi aýdanynyń geografııalyq koordınattary (eki nemese tórt núkteden astam ǵarysh túsirilimi qajet bolǵan kezde tómende tıisti joldardy qosý qajet) 1-núkte Endik Boılyq 2-núkte Endik Boılyq 3-núkte Endik Boılyq 4-núkte Endik Boılyq 3. Túsirilimderdi júrgizý merzimderi 4. Jedeldik sanaty Josparlanǵan tártipte Jedel 5. Qoldaný aıasy Aýyl sharýashylyǵy Kartaǵa túsirý jáne jerge ornalastyrý Orman sharýashylyǵy Teńiz jáne jaǵalaý aımaqtary Tabıǵı resýrstar jáne ınjenerlik jeliler TJ qaýipteri Qalalyq josparlaý Basqa 6. О́nim túri 1 m/pıksel (panhromatııalyq arna) 4 m/pıksel (4 mýltıspektrlik arna) 6,5 m/pıksel (5 mýltıspektrlik arna) 7. Aldyn ala óńdeý deńgeıi L1A – Radıometrııalyq túzetilgen beıne L2A – Geometrııalyq túzetilgen beıne L3 – Ortotransformattalǵan beıne L4 – Bederdiń sandyq úlgisi L5 – Mozaıka 8. Bulttyq qabat 20% jáne 30% arasynda 20% tómen 10% tómen Rııasyz kepildikter (eger 5% tómen bolsa) 9. Klıenttiń túsindirmesi Buıryq Qazaqstan Respýblıkasynyń Ádilet mınıstrliginde 2016 jylǵy 16 tamyzda Normatıvtik quqyqtyq kesimderdi memlekettik tirkeýdiń tizilimine №14113 bolyp engizildi.